Intensa actividade física polos montes de Vigo no mes de febreiro: Vixiador e Senda do Eifonso

Un bonito plan para un fin de semana de febreiro é darse unha volta por calquera dos sendeiros localizados nos montes de Vigo, dende o GR-53 Senda Panorámica de Vigo ata o PR-G5 Senda do Eifonso, pasando por calquera dos 9 sendeiros locais distribuídos polas comunidades de montes que compoñen o cinturón verde de Vigo.

A modo de exemplo visitamos a Senda do Eifonso e o Sendeiro Local de Candeán, no entorno do Parque Forestal de Vixiador. O resultado foi contemplar paseantes, sendeiristas, corredores e ciclistas de montaña que en todo momento se cruzaron polo camiño tal e como se recolle nas seguintes instantáneas. Ao mesmo tempo poidemos contemplar estampas propias da tempada que sen dúbida permiten conectar co entorno natural periurbano dun xeito intenso.