O Día Internacional da Muller en Montes de Vigo

Dentro do proxecto de "Montes de Vigo 2046: montes veciñais en valor" estase abordando a presenza da muller na dinámica organizativa e participativa das comunidades de montes veciñais de Vigo.

Como avance dos resultados obtidos compróbase como está incrementando a súa presenza nas asembleas e nas xuntas reitoras, sendo nestes momentos un 22% da base social do movemento comunal en Vigo. Cada vez percíbese un maior interese tanto nos aspectos de xestión forestal como de dinamización do uso social do monte coa promoción de múltiples actividades de sensibilización e dinamización socio-recreativa.

No artigo da Voz de Galicia publicado en novembro pasado recóllese una boa mostra tal e como se reflectiu nunha entrada desta mesma web (PREMER), así como na colaboración que fixemos na campaña "Madeira de Muller" da Asociación Forestal de Galicia

Por outra banda, na enquisa realizada sobre a valoración do uso recreativo-cultural dos montes de Vigo, a resposta maioritaria correspondeu a mulleres, que poñen de manifesto que acuden con frecuencia aos parques forestais e en termos xerais están satisfeitas co servizo recibido, se ben demandan melloras nos equipamentos (baños, etc) e en maior oferta de actividades, acordes co século XXI no que vivimos. O maior uso corresponde con xuntanza con familiares e/ou amizades, lecer e descanso e actividade física.

O proxecto "Valorización e xestión sostibles dos servizos ecosistémicos mancomunados dos montes periurbanos de Vigo" conta co apoio da Fundación Biodiversidad del Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU