A edición 2025 de "Os montes de Vigo na Escola" bota a andar da man de Vegalsa-Eroski

Alumnado do CEIP Ría de Vigo achegáronse ao entorno do muíño de Gontade

Arranca a segunda edición do programa de actividades "Os montes de Vigo na Escola" desenvolvido pola Mancomunidade de Montes de Vigo en colaboración con Vegalsa-Eroski co obxectivo de dar a coñecer os montes de Vigo ao alumnado das parroquias que teñen comunidades de montes. En total está previsto que 10 centros participen no programa.

Nesta semana xa se fixeron as actividades no CEIP Ría de Vigo, que está estudando a auga nas parroquias de Oia e Saiáns, e no CEIP Mestres Goldar en Castrelos.

Aproveitando que neste ano se está a traballar os servizos ecosistémicos dentro de "Montes de Vigo 2046: montes veciñais en valor", vaise abordar tres exemplos que teñen moita importancia nas 1606 hectáreas de monte que conforman as comunidades de Vigo: os servizos de regulación hídrica, os servizos de capación de CO2 e os servizos recreativo-culturais.

Este traballo enmárcase no proxecto "Valorización e xestión sostibles dos servizos ecosistémicos mancomunados dos montes periurbanos de Vigo" conta co apoio da Fundación Biodiversidad del Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU